Jæja þá er ég búin að fá boðskort í ammilið hennar Bryn, vííííí!!! Svo er fimmtugsafmælissurprisekaffi í vinnunni núna eftir nákvæmlega fimm mínútur...ég var í undirbúningsnefndinni sko og gerði þetta fína kort. Vildi samt að ég kynni á þetta helv. Photoshop forrit, ef einhver sjálfboðaliði vill kenna mér má hann endilega hafa samband :)
Annars er það merkilegt hvað maður verður dofinn af því að sitja fyrir framan tölvu allan daginn.......
hei gestirnir eru komnir, leiter!

Var að koma heim af djamminu...... ahhhhh.......gaman......þreytt........ Elduðum hjá Jóhönnu, indverskt og skemmtilegt, síðan var það Kaffibarinn sem ég hef ekki farið á síðan á Þorláksmessu og nánast aldrei fyrir þann tíma..... þar hittum við vinkonur Jóhönnu þær Ingu Rún og Ester sem voru bara í góðu stuði. Þarna voru ýmsir, margir sem ég kannaðist við en afar fáir sem ég þekkti. Síðan varð alveg ægilega troðið og öllum fannst það voða gaman en mér líður ekkert æðislega vel þegar rassar og brjóst og aðrir líkamspartar ókunnugs fólk þrýstast að mér í meira en tíu mínútur í senn.... ég verð því seint alvöru Kaffibarsrotta. Verst að Þóra Huld gella fór heim snemma og kom ekki út með okkur. Sumsé.... ég fór ein út og hugðist halda heim en heyrði aðeins í Matthildi vinkonu sem var orðin alein á Gauknum. Ég hitti hana og við rugluðum eitthvað saman, sendi hana svo í leigubíl, fór í pulsuvagninn og af einhverjum óskiljanlegum ástæðum þá skokkaði ég heim...í gegnum allar NATÓ girðingarnar sem er búið að setja upp í vesturbænum af öryggisástæðum, vona að ég verði ekki sprengd upp í næstu viku. Mæli annars ekki með skokki eftir rauðvínsdrykkju og pulsuát, einkum ekki klukkan fimm um morguninn.
Hei já alveg rétt, ég fór á útskrifarsýningu Listaháskólanema í dag og það var alveg æðislega gaman. Fullt af flottum verkum og skemmtilegu fólki, skemmtilegastur var þó hann Þórarinn Hugleikur Dagsson með heimildarmyndina sína um role-play. Hann var líka með svo flott bindi sko. Ég eignaðist líka í dag tvö pör af X-18 skóm og tvo boli úr Zöru. Góð helgi :)

Guð minn góður hvað hef ég gert!!!!!! Við nánari skoðun kemur í ljós að hárið er svar-fjólubleikt og helst í anda Manson/Morticiu Adams/Hexiu de Trix. Sem er kannski í sjálfu sér ekkert athugavert og fer mörgum vel en ég er ekki þessi týpa..... mér a.m.k. líður eins og ég sé að horfa á einhverja ókunnuga manneskju þegar ég lít í spegil, eða að ég sé með hárkollu. Viðbrögð annarra hafa verið misjöfn. Ég þvoði hárið samt tvisvar í gær, setti smá brúnkukremsklessu á mig og gerði tilraun til að lita á mér augabrúnirnar með þriggja ára gamalli litatúpu og tannbursta. Þetta hefur því skánað og ég stefni ótrauð á það að láta sjá mig á almannafæri í dag. Svo er líka bara svolítið gaman að vera svona ólíkur sjálfum sér :)
Brynja sæta á annars afmæli í næstu viku. Ég er farin að sakna hennar og Ásdísar, Erlenar, Írisar og Ólafar þannig að ég vona að hún bjóði mér í afmælið :) Ég krossa bara fingur...... :)

Ég blogga svo sjaldan núna að loksins þegar ég kem mér að því er ég löööngu búin að gleyma öllu því (mis)merkilega sem ég ætlaði að segja frá. Það verður markmið sumarsins að skrifa oftar og minna. Í dag er fallegur föstudagur og það er meira að segja sól, guði sé lof þannig að ég ætla ekki að koma með neinar heimspekilegar vangaveltur í þetta sinn.... það verður spennandi að sjá hvort ég geri það einhvern tíma....hmmmm......
Nú jæja en sumsé, ég fór í Skagafjörðinn á miðvikudaginn að skoða nýja vinnustaðinn, sem er milli Varmahlíðar og Sauðárkróks. Mér leist bara vel á staðinn og fólkið, líka á litla sæta húsið þar sem ég kem til með að búa en það er reyndar hannað sem skólahúsnæði. Þið sem eigið leið í Skagafjörðinn í sumar heimsækið mig!!! Ég er í fríi aðra hverja viku :)
Helgarplanið: Ég ætla að fara að djamma djamma djamma með nokkrum góðvinkonum mínum sem eiga það sameiginlegt með mér að vera ekki í prófum. Þetta mun eiga sér stað á laugardagskveldið en þá um daginn ætla ég einmitt líka að kíka á útskriftarsýningu Listaháskólanema en hann Hulli vinur minn ku vera að útskrifast. Í kvöld ætla ég síðan að jafna mig á því að hafa litað á mér hárið í dag, já ég er orðin dökkhærð dömur mínar og herrar. Veit ekki alveg hvað mér finnst um það. Held að það sé betra. Er samt ekki alveg viss.
Góða helgi :)

Ahhh...... þá er ég komin í vinnuna og búin að ná úr mér leiðindunum sem hafa einkennt síðastliðinn mánuð. Þess vegna hef ég ekkert bloggað sjáiði til. Ég mun hafa þjáðst af post-Salamanca-depressive disorder og þrátt fyrir að hafa verið í "fríi" í tæpan mánuð afkastaði ég svo sem afar litlu. En koma tímar og koma ráð. Margt gleðilegt hefur gerst að undanförnu. Fyrst byrjaði ég að vinna sem spyrill á Félagsvísindastofnun á kvöldin sem var bara ágætt og kynntist meira að segja skemmtilegu fólki sem ég gat bætt inn í símaskránna í símanum mínum..... þið vitið það að símaskráin er mælikvarði á vinsældir og hér með upplýsist að ég er með nákvæmlega 175 símanúmer í minninu á gemsanum. Það að ég þekki ekki sum nöfnin lengur og hringi ekki í nema um 10% númerana skiptir að sjálfsögðu ekki máli :) Smá útúrdúr..... anyway, ég byrjaði semsagt að vinna og sjá, skyndilega var mér boðin tímabundin vinna á mínum gamla vinnustað, Barnaverndarstofu. Þar sé ég um undirbúning ársskýrslugerðar og er aftur komin með kúl skrifstofu og bunka af möppum sem ég veit ekki alveg hvað ég á að gera við. Ég er barasta búin að sakna þess að vera hérna og þar að auki hittist svo vel á að það er árshátíð í kvöld, gaman gaman. Ég er sumsé ekki lengur atvinnulaus og er þar að auki komin með vinnu í sumar á meðferðarheimilinu Háholti í Skagafirði. Allir í sveitaferð til mín í sumar :) Svo er ég búin að fá inngöngu í 3 skóla, er enn að bíða eftir svari frá einum en held samt að ég sé næstum því búin að ákveða mig.... allt stefnir í það að ég sé að fara í nám í Brighton sem er víst afar skemmtileg borg, í University of Sussex. Námið heitir MSc in Human-Centred Computer Systems, HCCS, ógeeeðslega kúl þannig að það er glaumur og gleði og fullt af stærðfræðiforritun sem ég kann ekki næsta vetur. Ólöf og Ásdís eru vinsamlegast beðnar um að taka mig í fjarkennslu í sumar. Fyrir utan þessar gleðifréttir hef ég verið að rækta líkama og sál fyrir andlegt jafnvægi þar sem skapsveiflur mínar ganga stundum úr hófi fram..... í gær fór ég í skvass og á eftir er það jóga með Jóhönnu skutlu, svo er ég búin að lesa Önnu í Grænuhlíðarbækurnar aftur og er núna að lesa afar heimspekilega bók sem ég man ekki hvað heitir. Líkami minn er hins vegar ekki vanur því að ég hreyfi á mér rassgatið þannig að hann bregst við eins og í hungursneyð og hefur kallað á fæðu á fimm mínútna fresti í allan dag. Ég ætla að svara þessu neyðarkalli núna.

Jæja, þá er maður víst kominn heim, *snökt* í kuldann og þunglyndið.... nei bara smá.... :) Flugvélin fór ekki af stað fyrr en klukkan 17:30 á endanum og ég var orðin stjörf eftir 40 tíma vöku þegar ég fór loksins að sofa. Síðan tóku við gleðidagar af súkkulaðiáti og rúmlegu um páskana. Stórskemmtilegt. Ég fann þó ískyggilega fyrir því að ég er að verða gömul........ ekki nóg með það að það var BRÚÐARSTRYMPA á páskaegginu mínu heldur fékk ég tvo skemmtilega málshætti: Betur draga tveir fuglar til hreiðurs en einn og Barnalán er betra en fé. Skuggaleg tilviljun. Geisp.... ég held að ég sé samt ennþá þreytt. Get ekki skrifað meira í bili.