Mín ekkert búin að blogga í jólafríinu eins og fleiri.... enda kannski ekkert merkilegt að segja bara jóla jóla og hangikjöt og gleði eins og hjá öllum.
Var reyndar með stórskemmtilega ferðasögu um hremmingarnar sem ég lenti í á leiðinni til landsins. Ég gleymdi henni bara á ferðatölvunni hennar litlu sis sem flutti til Svíþjóðar í gær litla krílið (19 ára). Hún flutti í svo mikið krummaskuð (til að æfa borðtennis) að það þótti stórfrétt á staðnum og hún var í blaðaviðtali í dag :) Stórkostlegt.
Ég verð því miður að læra læra læra 24-7 þar til 13.janúar. Ég er kannski búin að hafa það aaaðeins of gott í Brighton og læra aaaaðeins of litla forritun, trallalarallala.
Svo verður bloggað á fullu, að sjálfsögðu. Kannski maður segi ferðasöguna sem er stórfurðuleg´. Í stuttu máli var lestin mín stoppuð af vopnuðum löggum (með risariffla) sem handtóku eitthvað fólk. Ég missti þar af leiðandi af lestinni til Glasgow og næstum því af flugvélinni minni en lestarvörður með hvítt hár og skegg (jólasveinninn) vorkenndi mér og fylgdi mér út um allt eftir að ég þvældist í nokkrar vitlausar lestir. Fann svo næturlest til Skotlands þar sem kona með hvítt hár og jólasveinahúfu (jólasveinka) vorkenndi mér líka og setti mig í sérnæturklefa með morgunmat og alles - ókeypis! Snilld. Þannig að ég var ekki á flugvellinum um nóttina :)
Jólahamingjuóskir til ykkar allra elskurnar mínar,
síjúleiteralligeitor
...og fyrirgefið allir sem ég hef ekki hitt og haft samband við, ég nældi mér í miður skemmtilega gubbupest og hef ekki verið sérlega vinaleg þessi jólin

Pakka pakka... nei ekki jólapakka heldur pakka niður því ég er á leiðinni heim!!!
Missti mig aðeins í jólagjafakaupum í dag. Það er nefnilega svo gaman að versla miiiikið í einu og handa öðrum því þá fær maður ekki samviskubit yfir að vera að eyða peningum sem maður á ekki í sig, maður er að eyða þeim í aðra...skiljiði.... og það getur ekki verið nema gott :)
Þessar myndir mínar eru víst ekki að gera sig, ég þarf að reyna að birta þetta e-n veginn öðruvísi. Á að vera mynd af bringunni á Darren loðindreng :)
Hvar var ég aftur...já pakka niður, alveg rétt. Ég er að fara í ferðalag, tek lest til Glasgow á morgun, verð á flugvellinum þar um nóttina og flýg svo heim fyrir hádegi á þriðjudaginn. Þetta virtist afskaplega góð hugmynd á sínum tíma en ég veit ekki alveg hvernig mér líst á þetta núna. Sérstaklega þar sem ég á eftir að kaupa miða frá Glasgow til Brighton... ætlaði að gera það í dag en þeir miðar sem ég vildi voru uppseldir. Ætli ég verði föst í Glasgow um áramótin?

Færsla gærdagsins part 2:
Einhverjir voru að furða sig á C-liðnum í færslunni hér að ofan. Darren og Jon vinir mínir (og kennarar) voru báðir að bera sig en Darren var í mandarínuslagnum. Hann er svo loðinn á bringunni og bakinu og bara alls staðar að ég hef aldrei séð annað eins. Honum finnst þetta bara skemmtilegt og gerir í því að ganga um ber að ofan á sumrin svo að fólk horfi á eftir honum. Honum finnst svo gaman að fá athygli sem kemur berlega í ljós þegar hann er að kenna. Hann vill stöðugt að við veifum og brosum til hans til að sýna að við séum að hlusta og þykist vera voðalega fúll þegar hann fær ekkert ´feedback´. Ég sagði honum í síðustu viku að samskiptin yrðu örugglega meiri ef við mættum bara kasta einhverju í hann, eins og pappírskúlum eða tómötum. Viti menn, honum fannst þetta snilldarhugmynd og í síðasta tímanum lét hann alla fá autt blað til að búa til skutlur og kúlur. Við áttum að kasta einhverju í hann þegar við skildum ekki eitthvað. Sumum strákunum fannst þetta svo skemmtilegt að þeir bjuggu til skotvopn úr pappír og pappaglösum sem hefðu getað hálfrotað greyið strákinn. Tíminn snerist auðvitað í lokin upp í allsherjar pappírskaststríð. Svo sannarlega gaman að vera komin á mastersstigið :) Ég hjálpaði við að taka til þar sem þetta var hálfpartinn mér að kenna...

Jæja þá er ég búin að gefast upp á að reyna að senda færsluna sem ég skrifaði síðustu nótt. Eins og hún var skemmtileg neitar Blogger að birta hana! Vondi Blogger!
Á ég að reyna að birta hana í bútum? Bíddu...
Þetta er búið að vera viðburðarrík nótt... og hún er rétt að byrja!
Ég er auðvitað að vanda að gera verkefni sem átti að skila - í gær :) Fæ alltaf svaaakalega góðar hugmyndir svona uppúr miðnætti og get þá fyrst byrjað að skrifa eitthvað að ráði. Þessi Red Bull tilboð í sjoppunni við hliðina á hafa líka eitthvað að gera með þetta. Jæja en verkefnið á semsagt sinn þátt í því að ég er vakandi, heima og ekki að taka þátt í end-of-term djammi eins og allir aðrir *sniff*. Ekki það að letingjanum mér sé eitthvað vorkunn, ég var úti að borða og pöbbast fram eftir öllu í gær með Rögnu þegar ég átti að vera að gera þetta.
Klukkan korter í eitt fór brunavarnarkerfið í gang og þá er ekki HÆGT að vera í húsinu. Einhver að kósíast með kerti á hæðinni fyrir ofan og allir (hundrað manns) út á náttfötunum og svona. Klukkan hálf tvö þegar lætin voru afstaðin hringir dyrabjallan niðri. Dyrasíminn virkar ekki þannig að ég fer út og þá er einhver strákur að fara íbúðavillt. Hann eitthvað fullur með kærustunni og ég þurfti að gera honum skiljanlegt að ég væri í íbúð 3 en ekki á þriðju hæð sem reyndist erfitt. Þegar ég kem aftur er búið að læsa! Ég læst úti á náttfötunum, hitti stelpu sem hringir í Maju sem kemur og opnar og gefur mér jólapakka, vei vei! Hvað ætli gerist næst?

Þetta var sumsé part one af færslunni. Þess má geta að ég fór nottlega ekki að sofa fyrr en hálf sex því ég lenti á svo ansi skemmtilegu spjalli við Magga vin minn á MSN. Hver er á MSN klukkan hálf fimm aðfararnótt laugardags? Við tvö greinilega :) Svo vaknaði ég hálf níu í morgun, kláraði ritgerðina og dröslaðist upp í skóla þar sem ég komst að því að skrifstofan var lokuð. Ég sendi kennaranum bara verkefnið í tölvupósti og verð að vona það besta. Spurning hvort ég geti ekki mútað honum með fyrrnefndum myndum...

Spurningar:
A) Hvad ma madur drekka marga Red Bull drykki i rod an thess ad fara yfirum?
B) Hvad er haegt ad lifa lengi a tunfisksamlokum, nudlusupum og sukkuladi?
C) Hvad tharf til ad madur liti a kennarana sina sem felaga og haetti ad bera virdingu fyrir theim?

Svor:

A) Fjorir Red Bull halda manni innan skynsamlegra gedheilsumarka - en bara rett svo.
B) Ad minnsta kosti i tvo og halfan manud
C) Ad their dansi berir ad ofan og kasti mandarinuberki i thig

Vidbotarupplysingar vid lid C: Thegar a thetta stig er komid er gaman ad vera til. Serstaklega thegar adurnefndir atburdir eru festir a filmu.